第15課：跨性別相關法律

一、身份證性別標記轉換政策

政策修訂背景

香港身份證嘅性別標記原本要完成「全套性別重置手術」先改得（例如女轉男要切子宮卵巢兼整陰莖，男轉女要切陰莖睾丸兼整陰道）。但2024年4月3號政府放寬政策，未做齊手術嘅人都可以申請，係為咗回應法庭判決（例如Q同Tse案）同跟國際做法。

新修訂申請條件

部分手術要求：

▸ 女轉男要完成「切雙邊乳房」

▸ 男轉女要切陰莖同睾丸

其他資格：

▸ 確診性別不安

▸ 申請前至少2年用另一性別生活

▸ 承諾以後都用呢個性別

▸ 持續2年接受異性荷爾蒙治療，同意繼續治療同隨時畀人抽查

要交醫生證明同宣誓聲明，由入境處逐個case審批。

法律限制

就算改咗身份證性別，香港法律仲係跟「出世紙性別」，結婚、繼承呢啲法律程序都唔受影響。

二、殘疾歧視條例點用

《殘疾歧視條例》保護範圍：

條例禁止因殘疾歧視，包埋請人、讀書、服務提供，仲包括「同殘疾人士有關連嘅人」（例如照顧者）。不過跨性別本身唔算殘疾，要睇情況先用到條例。

間接關聯可能

如果性別不安被當係「精神健康殘疾」，可能受保護

但香港定義殘疾仲係「醫病模式」，同國際「社會模式」有差距，影響跨性別者爭取權利

平機會嘅作用同限制

平等機會委員會負責執行反歧視法，但權力有限，例如好少幫人打官司，傾向和解了事。

三、跨性別者去廁所權利

法律真空地帶

香港冇專屬法例講明跨性別者點用公廁，通常要靠《性別歧視條例》或《殘疾歧視條例》間接處理。例如因為性別表達被趕出廁所，可能算間接歧視。

現實困難

未做手術嘅跨性別者，身份證性別同廁所標示可能唔夾

政府有推無障礙設施，但冇明確包埋性別友善廁所

💡 貼士：

醫生的RLE信（廁所紙）未必有法律效力，但係法律真空地帶可以避免一定問題發生。